… so vui Gfui fürn Stoa!

Unser Kommentar zum 20-Jährigen der Kino-Sommerabende bei Edling

image_pdfimage_print

Einmalig is a imma, da Sommer am Stoa! Und des scho seit nun genau 20 Jahr! Des Gfui dort, des ko ma mit nix ersetzen. Im T-Shirt bis Mitternacht oda mit da Kapuzen ins Gsicht zogn, wenn’s regnet. Moi spannend, moi romantisch, oft lustig oder berührend und zum Nochdenga, de Gschichtn auf da großen Leinwand. Am allerliebsten unterm sternenklaren Himmel. Genuss pur! So schee und warm is bisher scho da lange Sommer 2018 – vielleicht ja …

… hod da Gottwald Rainer ois Veranstalter in seinem Jubiläums-Jahr moi a Riesenmassl mim Weda. Gät er doch Jahr für Jahr so engagiert a enormes Risiko ei. Open Air wenn‘st wos planst bei uns, da muast scho a großer Optimist sei. Und da Rainer hod se no nia ned untagriagn lassn. Aa ned vo Jahren mit Dauerregen. Möge da Sommer 2018 eam so sehr recht gem – mit ganz vui Gfui fürn Stoa … moand d’Renate.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.


Leitfaden für die Veröffentlichung von Kommentaren