Da Wasti muass amoi … de Bolizei lobn!

Unser Kommentar zu da Kontrolle in da Nacht direkt vor da Löwenhöhle

image_pdfimage_print

wastiWar des gestern eine Gaudi beim Derndl- und Burschndog! Ois i nachad so gega Oans in da Fria a bisserl wankend hoamgeh woit, hod mi Gott sei Dank a guade Freindin mitm Auto in Richtung Löwen-Oidstod mitgnomma. Sakra, war i froh, dass i ned latschn hob miassn. Genau dahoam vor meiner Löwenhöhle hods auf oamoi blau hinter uns blinkt. Stopp! Polizei! Kontrolle! Ui, do is ma ganz schiach worn, weil i natürle mei Freindin ned gfrogt hob, ob‘s wos drunga hod. Brav is gwen: 0,0 Promille hod‘s ghabt. So, und jetzt muass i amoi de Bolizei lobn. De zwoa junga Beamtn, de des voibesetzte, angeheiterte Auto von uns aufghoitn hom, warn ned nur saufreindlich, sondern sand aa ned nervös wordn, wia vo uns Ogstochane da oa oda ander bläde Witz gmacht worn is. Respekt. De Beamten hom an Sinn für Humor ghabt und mit uns mitglacht. Und des um Oans in da Fria! Schee … moand da Wasti, euer Frühlingsfestlöwe.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.