Da Huaba moand … koa scheena Rekord mit 20

Unser Kommentar zuam unglaublichen Vorfall gestern für de Polizei

image_pdfimage_print

SONY DSCDa foit da nix mehr ei: De Polizei is gestern zu am Unfoi noch Kraiburg gruaffa worn. Do hod a 20-Jähriger sei Auto demoliert. Wos hoaßt do seins? Des vo seim Arbeitskollegn, des wos er se ausglieha hod – ohne, dass sei Arbeitskollege davo wos gwusst hod. Bläd glaffa, könnt ma jetzt sogn. Aba es kimmt no besser. Der junge Autofahrer hod mit dem Wogn vo seim Arbeitskollegen dreißgdausnd Euro Schodn ogricht – und dabei hod er no ned amoi an Führerschein ghabt, da junge Mo, ned da Arbeitskolleg! Auto klaut, ohne Führerschein gfahrn, Unfoi baut, a Vamögn Schodn ogricht. Imma no ned gnua? Na, der 20-Jährige is aa no bsuffa gwen, wia er den Unfoi baut hod. Rekordverdächtige Vergehensliste! Wenn scho, denn scho, werd se der junge Mo denkt hom … oda hod a vielleicht gar ned denkt? … mutmaßt da Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.