Da Huaba moand … letzts Jahr hui, heia pfui!

Unser Kommentar zur Wetterprognose „gräulichabscheulich" für unsere Maibaam

image_pdfimage_print

Christian1Oh Mai, oh Mai! Wos soi denn des grod sei? Olle Expertn sogn fürn Freidog ein gräulichabscheuliches Weda voraus. So wia heid. Des konn wos wern, beim Maibaamaufstelln. Wenn ma do an letzts Jahr denkt! Strahlender Sonnenschein beim Maibaamfest in Kirchreit. A solchane Hitz, dass de Wasserburger Gäst barbarisch vui Löschbier braucht hom und so mancher Kopf und Krongn beim Hoamfahrn mitm Radl am steiln Rieana Innweg riskiert hod. A kloane Hoffnung gibt‘s no für heia: Vielleicht kimmt da Fön, den konn ollerweil koa Wedaexperte vorhersogn. Sonst hoaßts leider: Heia pfui! … moand da Pessimisten-Huaba.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.